Maridos e sodomitas

Maridos e sodomitas. Os casamentos de home no Reino da Galiza medieval, é un documental con idea orixinal de Carlos Callón, que vai percorrendo diferentes lugares para entrevistarse con persoas que teñen moito que dicir e que descubrir ao respecto dos primeiros documentos, inscricións e monumentos que nos dan conta de que, por exemplo, foi nun concello galego, en Rairiz de Veiga, onde tivo lugar o primeiro casamento documentado entre homes de todo o Estado español, no século XI.